معدي
ياجماعة خير من شاف الرهاوي ..... بــأخــر الايــام متــغيـر عليه
ناوي نيه ولاادري ويش ناوي ...... احسن النيه ترى النيه مطيه
الرهاوي
مرحبا ياشاعرن راعي نخاوي ....فيه خير وفيه طيب ومقدريه
ناويلي خيرمع بدو وشواوي....مانجازي راعي الحسنه بسيه
معدي
انتبه ياصاحبي شر البلاوي ..... وانت وقفاتك تجي دايم قويه
قام يبرق يمكم برق سناوي .... لكن مصاحب رياح موسميه
الرهاوي
منتبه في طرقتي مانيب غاوي....والدروب وساع والخطوه جريه
كان شفت البرق خلك بالمطاوي....نحــتمي ميـــقافـــنا والنار حيه
معدي
مــايـرد عــد الــروى يــاكـــود راوي .... يــضــرب المـــشــوار ويـنـزل دلـــيه
وكـــل جـــرح يالــرهــاوي له مداوي ... لـــكـن جــروحــك لــهــا تســعيـن كـيه
الرهاوي
ارد عدود الرو ا والحيل قاوي.....ونارد الما وانتلا هاذي وذيه
كان نجمك تالي الايام هاوي.......ماو دة الما ولا سقيت الرعيه
معدي
ياعمـــلي لا تلوى بالملاوي .... وانت من قوم يقودون السريه
كل كلمه من لسانك ماتساوي.... نجمي اللي فوقكم جاله شظــيه
الرهاوي
ياطويل العمر واردها الصداوي..الصافه ماتبي حبالن رديه
بارك الله في زمانك يالشقاوي...متعبن فاطرك في دارن خليه
:::::::::::::::::::::::::::::
:::::::::::::::::::::::::::::
ليست هناك تعليقات:
إرسال تعليق