معدي النايفة - الجوفي

معدي

يالجوفي اقلط هنيا قوم يالجوفي 

لا تنضر بعين والاخرى مسكرها

دام المداحم ماهو بمداحم كتوفي 

وشفيك تبطي ورجلك حيل قاصرها

الجوفي

انا حضرت وحضوري في اللقاء يوفي 

والسابقه بينه كل يناضرها 

من حج بيت الحرم يسعى وبيطوفي 

والرجل ماهي قصيره مير نقصرها

معدي

جتك الرساله وناسجها من حروفي 

وكثرت علومك وضايعت ن مصادرها

لا تزتمل ياصحيبي ويلحقك خوفي 

اقــر الرســـاله ودقــــق في مـــحابرها

الجوفي

اقول لك بينه لاكن ماتشوفي 

وانا على المهزله ماني بجابرها 

والله عليه من الاجواد ماتطوفي 

واقول لك طايفه ترجع تكررها

هذا الطريق وروح لو تعكس السير!!

انـا علـى خـبـر ولا فــيٌ تغيـيـر بس انـت اشوفـك يـا حبيبـي تغيـرت

وانا الذي بالحـب صنتـك عـن  الغيـر واسست قصرك وسـط قلبـي  وعمـرت

فالبحـر مـا غرقـت ثقـال  البواخيـر وانا علـى بحـرك غرقـت وتدهـورت

لو جاك مني يـا مُنـى الـروح تقصيـر أن كان جبت ألـك عـذر ثـم  تعـذرت

لكنـي اشـوف الـزعـل دون تبـريـر جابـه حبيبـك ليـه عـنٌـه  تنـكـرت

وحنا شرطنا الحـب مـن غيـر تكديـر تذكـر حبيبـي يـوم قلتـه  وكــررت

وليه طيـب ؟ دام الاوضـاع فـي خيـر مالـك عـذر ! لكـن اشوفـك  تكبـرت

غـرك جمالـك مـن بديـع  التصاويـر اللي وهبـك مـن الحـلا ثـم  تهـورت

هذا الطريق وروح لـو تعكـس  السيـر والله مـا أتبـع خطوتـك لـو  تحـدرت

لا تلتفـت يـمـي ولا بــي معـاذيـر ولا تذرف الدمعـه بعـد مـا  تحسـرت

يا مـا اتعبتنـي مـن عنـاك المشاويـر ويـا مـا ويـا مـا بالمواويـل قـزرت

تلعبـي ريــاح الامــل  والمقـاديـر وضـاع وقتـي بالتمنـي ولا  أثـمـرت

والحيـن ابدفـع فـي فراقـك دنانـيـر ولا تعترض دربي ترى اعذرت وانذرت!!

العالم الله - معدي النايفة

العالم الله

سلام يالشعار والحاضر يقوم 

طاروق مما جال بالبال وطرا

الناس بالميدان معطى ومحروم 

احدن يحدرها واحد يطلع كرا

معدي

ياصاحبي لا تعترض نبل السهوم

 لاصرت حاضر عادتك ترجع ورى

والعالم الله وانت شيال الهموم 

 وبضاعتك رجعتها ماحد(ن) شرى

العالم الله

كيف الزكاة تحل للي مايصوم 

وانت المدير اللي توزعها جهرا

فتح عيونك والرقابه ماتدوم 

والعدل واجب والشواعير كثرا

معدي

ياللي تبيلك رقم مابين الرقوم 

 الضاهر انه لا حقك جوع وعرى

ترى المراجل ماتهيى للرخوم 

 لا بــد سيــفه للمواقــف يشــهرا

العالم الله

يحق لي قسم ن من كبار القسوم 

 لو كنت واثق ماعلي من البرا

راع الحصان اللي على الشده جزوم 

 من يقدر يخاويه لامن سرا

معدي

الدرب واضح كان للعليا تهوم 

 لكن ليى منك سريته تحذرا

وان كان يالدلفين ماتقدر تعوم 

 لابد عينك من عناها تسهرى

العالم الله

ياياكثر ماتفرك يدي سود الخشوم 

 لينن راعيها من الحره سرا

كم واحد يرجع معود ومهزوم 

غدى الطريق ولكننه مادرى

معدي

مانضف المنديل وجه ام كلثوم 

 لكن تذرى ياعميلي بالذرى

ياللي تبي الكرمه ولا نته بمعزوم 

 ويدينك الثنتين قدمي تقصرى

العالم الله

الحر في عال الجبل والبوم بوم 

بالمعرفه والطيب ماهن بخشرا

وجهي مايشكي من لواهيب السموم

 وبعض السوالف ذكرها ماينطرا

معدي

الضاهرانك ياصحيبي فيك نوم

 لا تعترض في موكب ن فيه اومرا

مادام متنك باللقى ماهو دحوم 

 لا تطيح طيحة من سببها تدمرا

العالم الله

انته ماتدري عن تفاسير الحلوم 

 فسر بها القاري على اللي ماقرا

سلم سفينة نوح في عهد السلوم 

غدابك الوادي ومن حدرك جرا

معدي

مادام خشمك بالشناكير مخروم 

 ورجلك على جسر البحر ماتعبرا

والدمع من خدك مسحته بالكموم

 العالم الله طاح طيــحه وانــــفرى

العالم الله

متني على الشدات والشطه عزوم

انام رايق بال لوني فالعرا

وليا بغيت الطايلات ارقى واهوم

واضن يامعدي حدودك بالحرا

معدي

الغيم لو انه يبي يمطر نجوم 

 تلفى العرب لا شافت الغيم ذعرا

مادامني عديت في راس الرجوم 

 وانته عروقك في صميمك تنقرا

العالم الله

جن العلوم وراحن سمان العلوم 

 واللي يعرف الحق بعيونه يرا

واللي يبا الجزلات يشري مايسوم

 ويميز الجزلات وعلوم الهرا

معدي

مانلتفت لا للعلوم ولا الجروم 

 حنا كسيناها وعينك تنضرا

مدام ابويه قرم ومن قومن قروم 

 وش العذر ياصاحبي لو تعذرى

::::::::::::::::::::::

الجفول – معدي النايفة

الجفول

سلام من قلبي والأعماق

باللي غلاهم معتلي فوق

مثل النوايف والشواهيق

سلام من قلبي والأعماق

كتبت طاروقي على آاق

وصدره معنزته على أوق

نادولي شعار الطاوريق

كتبت طاروقي علــــى آاق

معدي

دام الشعرهايم بالافاق

خوذي كلامي جاك موثوق

يالله على باب التوافيق

دام الشعر هايم بالأفاق

وانتي مجاديفك لها اعناق

ياللي بدعتي قاف مرموق

شعارنا راحوا غرانيق

ياللي مجاديفك لها أعناق

الجفول

يامرحبا بالشاعر العاق

ياللي طبقت الطاق مطبوق

بسم الله على الله التوافيق

ابك البقا يالشاعر العاق

الساق لا ألتفت بالساق

يفور دمك وانت محروق

والنار شبت بالمعاليق

الساق لاألتفت بالساق

معدي

ضاق القلم في كثر الاوراق

وجا من وراه رعود وبروق

عديت في روس الشواهيق

ضاق القلم في كثرالاوراق

ياعين مشكلتك بالأحداق

يفور دمي من عنى الشوق

وقلبي ليى منه غفى يفيق

ياعين مشكلتك بالاحداق

الجفول

حاديك ياذبيان الارهاق

منت مع اهل الطيب ما ثووق

العلم ؟؟ يازبن الملاحيق

حاديك ياذبيان الارهـــــــاق

قم ياعميلي اروي الارياق

الضيف ان جالك له احقوق

وانااشوفك اتنشف الريق

قم ياعميلي اروي الارياق

معدي

ارسلتله باقه ورى باق

دامه عداه اللوم والعوق

بغير اناضر فيه وااويق

ارسلتله باقه ورى باق

ماهمني كثرالتلفاق

ولا بحصر النور في طوق

سويت له دله مع ابريق

ولاهمني كثرالتلفاق

الجفول

ماشفلتي رجالن تواق

يمشي وجيبه دوم مشقوق

ما جاته اعلوم المطاليق

ماشفلتي رجالن تواق

دايم اشوفه لافرح ضاق

وبابه الفرح من دونه مصفوق

يفرح ليا شاف المطافيق

دايم اشوفه لافرح ضاق

معدي

الوضع ياعمه ماينطاق

ياللي مكانك داخل الموق

ضعنا بيدين السواويق

والوضع ياعمه ماينطاق

الشمس غابت عقب الاشراق

واسرارنا في وسط صندوق

قطفت ما يحلوا وماليق

والشمس غابت عقب الاشراق

:::::::::::::::::::::::::::

الوصل مبداي

قلي عن اخبارك وقلي عن احوالك

        ياللي قطعت الوصل والوصل مبدايه

والله من غيبتك والحال متهالك

         اســـوق رجلي ولكـن العقل تايه

لا يا بعد من بدع شعره وغنى لك

        يصرف لك احساس مرهف ماله نهايه

 لك منزلن بالحشا سـاكن به لحالك

        اصبـح غرامك وسيله وانت لي غايه
لكن حسب ماأتضح لي رحت عن بالك

        من عقب ماأنته قبل تبحث عن رضايه

لا تطري الهجر فال الله ولا فالك

        من شـان يا غايتـي ما تفـرح أعدايه

وانا سحابي نشى وأمطر على جالك

        مـابين مـدك وجـزرك داي ودوايـه

واليوم اشوفك علينا قاطع ارسالك

         يـومـك رميت الهدف في قلب مرمايه

لا وحسافه عل قلبي من اهمالك

        اصبـح من الشـوق كنه وسـط غلايه

مالي علاقه فبوك وعمك وخالك

       علاقتـي فـيـك بـس وهـذي كـفايه

اما قل ابعد وروح بدربك اشوالك

       ولا قـل اقـلـط عـلى دلالي ومركايه

الوسم – معدي النايفة

الوسم – معدي النايفة

الوسم

سلام رده من بلد تطلع وتنزل في بلد

واللي معاه عيون بحلق بالعيون وشافها

غيرالرهاوي مابغينا ياهل القيفان أحد

لو كان يومن قدم شارتها ويوم أخلافها

معدي

يامرحبا بك وانت شاعر من شواعير جدد

ياللي فراشك وسط عيني والجفون لحافها

الدرب واضح جعل عين ماتشوفه للرمد

دام الرهاوي ماحضر عنٌ الطلب لشرافها

الوسم

اللي ورد للبير في قلة سنع لو هو ورد

ما أسقى الكبود المتلفه لكن يزيد إتلافها

أنت عدد واحد ولاترفع ولا تنقص عدد

وغيرك شواعيرن كثار وإتغرنا بأوصافها

معدي

اللي زرع لا بد له يوم من الايام يحصد

والكلمه اللي من لساني ماهو حق احرافها

البحر هايج وانتبه يالوسم لاجاله زبد

لاتروح في بطنه سواة اللي بغاها وعافها

الوسم

ياللي تبا جرة جهينة لايخالفك ا لجهد

لاصرت غالي بالقلوب ولانزلت اطرافها

دام الليال السود خلف البيض ياوين السعد

ياللي سكنتوا فالبسيطة عاينوا لغلافها

معدي

انته في نعمه لكن النعمه تبي شكروحمد

والوقت قاسي هالليالي لاتزيد اسرافها

جينا على نفس الوعد مدري بلاسابق وعد

بس المهم انا جبرناها على ميقافها

الوسم

ياعنك صمنا عنك وافطرنا على خيرورغد

وانثار بك عج الرمك لك سابقك وانكافها

شفنا البروق اللي تكاشف والدوي دو ي الرعد

ولاسال ياكود الدموع اللي تبل أغدافها

معدي

دامك تشوف البرق لاتامن صواديف البرد

والنايفه ياصاحبي عديت في مشرافها

اللي قعد وشله وقف واللي وقف وشبه قعد

ياللي تبى اللقمه ولكن ضايع مغرافها

الوسم

طيرن مشددله بسبع اشدود وضاري للهدد

ماغرته لو هي تكوبر وان بدا محرافها

لو تالد الحامل قنعنا ساع ننظربالولد

مير البلا يموت في بطنه بدون اسعافها

معدي

ياصاحب الفزعات لا تبدع وعضمك يرتعد

حنا ليى منا بدينا وازنينن قافها

مير اخر اللحضات اشوف الوسم من يدي شرد

رح للا باعر ثم لاينقص عليها اعلافها

:::::::::::::::::::::::

مشاعري اتجاهك

تعبت اشوفك على هالوضع يابوي 00 لكن حكم القدر هذي مكاتيبه
جيتك وقبلت راسك يا بعد راسي 00 واللي مقدر على الانسان بيصيبه

 

ابحرت اناملي بتفكيري الى الماضي ...
تذكرت فيها ابتسامتك ...
قصصك ورواياتك التي لاطالما

                   رسمت الضحكه على محيا الجميع000!

جدك ... طاعتك ...
طريقك الى المسجد الذي عمرته راجياٌ المثوبه من الله سبحانه وتعالى

 

سجادتك ...منبرك

واخيراٌ استقر بي التفكير عندما رأيت طهورك ومصلاك الحالي
ودراجتك المتحركة .. سقطت دمعتي00!

انتابني شعور بالألم والحزن

توقفت وعجزت عن التعبير

تمنيت ان كل ما اصابك اصابني بدلاً عنك

لكي يرتاح قلبي وتنعم انت بصحتك

لكن نحمد الله على كل شئ

اشعر بك يا أبي واعلم جيدا انك مللت أسر هذا الكرسي

و تريد ان تذهب كيفما شئت

وتتحرك كيفما شئت

لكن رحمة الله غير ميئوس منها

والفرج قريب بأذن الله

فالجميع يدعوا لك بالشفاء

فأنت الاب والاخ والمعلم

فهنيئاٌ لك بمحبة الناس

فمن احبه الناس احبه الله سبحانه وتعالى00

فلا تحزن ياأبي00!!

انا عندك قريب اشر وتلقى المجيب ..

الله يقدرني على رضاك والله الحامي يحماك ..

كل ما كتب بك قليل

والهم في قلبي ثقيل..

لكن القدر مكتوب والأجر بأذن الولي مكتوب00!!

انت ايمانك قوي والله بحبه بلاك ..

لأن بك ميزة تختلف بك عن سواك00!!

كل مااناظر مكانك يوم صليت القيام اتطمن وامسك السجاد واشمه وأنام....

والقى ريحتك فيها عساها ما تعدمك

واتذكر يوم تمشي قبل اذان الفجر

لأنك انت المؤذن ويشفعلك اذانك ..

ايه لا تحزن يا بوي دام هذي سيرتك00!!

نعم فيها سيره والنعم فيها من مسيره ...

يا مضيف الضيف ويا حاشم قصيره ..

انت غير الناس ما هو بس عندي

لا وربي عند كل الناس فأرجوك أتطمن!

ايه ريٌح يا بعد راسي وخل الهم ليه

انا اشيل الهم عنٌك وانت ابي بس ابتسامتك النديه..

لا تكدر خاطرك يوم امسح دموعي بكمي

انا لا من صرت جنبك هذي بس تزيح همي ..!

ادري ادري بخاطرك وادري بعد باللي تقوله

فاهم احساسك يابوي من وانا بسن الطفوله

لكن ارجوك تتطمن

كل شي كنت قبلي تعمله ماشي عليه

كل بيت ن كنت بالماضي تحسنه محسن عليه

انت بس ارتاح وتتطمن ...

والحزن يابوي لا يطري عليك ...
والحزن يا بوي لا يطري عليك

قمر الكويت – معدي النايفة

قمر

سلام الله سلامن من قمر لأهل الشعر تبديه

سلامن مايغش أهل الوفا في نص مضمونه.. 

يطيب البيت لامن طاب فكر اللي يغني فيه

نوايا الطيب لأهل الطيب محفوظه ومصيونه..

معدي

هلا يامرحبا بك ياقمر من قلبي وصافيه

تراحيب من الخاطر تجي فبيوت موزونه

الا يالمهرة اللي تتعب الخيال وتســـريه 

على وضح النقا دام النقا ماتنثني دونـــه

قمر

يدوم لك البقا والبيت لو انه كشف خافيه

تبا تمسي كبود القوم ضميانه ومغبونه..

جنوب المملكه ضيّق شعوب الممكله طاريه.. 

ويبا يبقى جبل لو الوعل ينطحه بقرونه.. 

معدي

ليا بان القمر نص الشهر يستانسه ماشيه

ليا دارت هواجيسه وجاب القاف ولحونه

ويمشي بالجنوب وبالشمال وقايدة حاميه 

ولا يترك دياره لو يشوف الموت بعيونه

قمر

يزين الوقت حتى حاضره يطوي لناماضيه

وكلن حسب ضنه وأعتقاده يمشي بهونه..

بعد دقت أجراس الخطر لاهل البلد تنبيه..

عسى معدي يدوس الداب ولا يكسر سنونه

معدي

مادام الدرب واضح ياقمر ماأحتاج للتنويه

لكن الوقت قاسي ودورت الأيام ملعونه

كسرت القاعدة قصدي من الواقع نبي ترفيه 

لكن الواقع اشوفه عليه خابت ضنونه

قمر

لو انك يالدليله مايغشنك دروب التيه

نقول ان الامانه معك محفوظه ومامونه.. 

ليا شفت الهدف ضبط له النيشان ياراميه

وثوب العرف عند العارفه مايختلف لونه

::::::::::::::::::::::