اقلط هنيا قوم يالجوفي

معدي

اقلط هنيا قوم يالجوفي

نبي نسري الليل يافواز

خذ كلمة من جايز حروفي

قبل نطبق فوقك الايعاز

الجوفي

ابك البقا وبرفع سيوفي

.وقووول انا موجود مايعتاز

ان كان عندكعلم بضروفي

 في الملعبه باقول لك منتاز

معدي

الحر دايم يوعد ويوفي

. وانته مواعيدك تجيناالغاز

تسعى بوسط البيت وتطوفي

ولا تتابع هرجة الهماز

الجوفي

الحر جاك وجاكم الخوفي

ونته وليد الصقر ولاالباز

والجمر تحتك ونت ماتشوفي

. ونته كسرت وتبغي العكاز

معدي

حنا ضربنا الحر بالطوفي

والخبز مااشبع راعي الخباز

تبغى الغنيمه وانت مكتوفي

اركد شويه قدم ازيد القاز

الجوفي

اتقولها وتشووف ماتعوفي

. والحر نجمه فوق نجمك حاز

والله عليه منك ماتطوفي

.لا كن قازك زوده بالغاز

معدي

سني ولاني شيعي وصوفي

رجل عزيز و من رجال عزاز

 انته علامك صرت ملقوفي

وجـــــهت يــــم رجال ماتنهاز

الجوفي

في دينكم ماني بمكلوفي

. ونته رجل وقوول مايعتاز

من راس هضبه طحت محذوفي

وقول هن الشاعر الي فاز

معدي

ضربت لك بطناج وجروفي .
واخذ الخبر ياصاحبي ياأيجاز

ماعاد به مرجاع ونكوفي

. وصـــورتــك فــي داخل البرواز

معدي النايفة - فواز الجوفي

معدي

فواز له مده ماشفنا جديده

ويش الدوافع ياعساها تساهيل

اما علينا باخل في رصيده

ولا رجوله ماسكتها المحــابيل

فواز

فواز حاضر لك عزومه عنيده

منته مغيب وجهت الجدي وسهيل

ما نارد الا بالحبال الجويده

وان كان شفت اخيال لا تامن السيل

معدي

ترى المسافه ياصحيبي بعيده

وانته على المشوار ماأنت بردي حيل

يقرا من الاخبار وسط الجريده

كذبة وصــدقـها مثل كـــذبة ابــريــــل

فواز

انا على الطرقه عزومي شديده

وليا مشيت امشي مع الدرب ماعيل

ماكل من يكتب بجمله مفيده

بنصدقه ونقول يالربع حل حـــــــييييل

معدي

دام الرساله نازله في بريدة

سحابة ن عيت تجيب الهماليل

يرجى الحيا والرجع ربي يعيده

ياوردة ن ماتت على شاطي النيل

فواز

عقب الردا صارت علومه سعيده

والرجع طاح ولابقاء الا المحاويل

لايامــعدي قدمي انته تريـــــــده

ولايامن الطـــرقي ترا سريت الليل

معدي

ياما سرينا في ليال ن مكيده 

وجبنا العشى ياصاحبي وافي الكيل

حر تعلى مالقى من يصيده 

ما تــلــحـــقـــه بـالـنـايــفات الدرابـيـل

فواز

حنا خذينا سمنها والعصيده

في شوطها لاول وفي مقدم الخيل

الحر ماينصاد مهو بصيده

تبــغى تصـــيده فشبكه بالمــحابيل

قصيدتي عنوانها دم قلبي

الـبـارحــه مـابـيـن ضـيق وتـنـاهـيت 

الصـدرضــايـق مـالـقـى مـن يسـلـيـه

وليه ماأحزن والحزن صار لـي بيـت

  ســكـر شـبـابـيــكه ويـعـلن تـحـديه

من طيحتك طحت ومرضت وتشاويت

والـديــن لو حـاولـت مانــي بقاضـيه

نــاديـتـنـي يـابـوي يـــمـك ولـبـيــت 

 وعطـيـتـني من واقـع العرف تنـبـيه

وتـقـول يامـحمـد ترى الحزن كبريت 

يـشـعـل بـقـايـا جـروح قلبك ويدمـيه

واقـــول دامـك يــايـبـه ماتـشـافــيـت 

لـــو الـــفـــرح يـمـرني كـيف اببـديه

يـاكــيــف ابـنـسى يايـبه لـو تناسيت 

مـاأقــدر على النسيان ملعون طـاريه

وانـتـه سـجـيـن لـموطن ن منه مليت

قــاســي عـلـيـك و واقــع الحال يرثيه

تـعـبـت والــدنـيـا عـلى كـف عـفريـت 

ولازال بــاقـي من شـقـى الوقت ترفيه

وتـقـول بـعـيونـك عـلـيـه وش اخفيت 

 ويـجـاوبـك دمع ن فـضـح بوح راعيه

حـاولـت اداري خاطـري لـكـن ازريت

وتجـود عـيـني من ازرق الدمع صافيه

لـكـن رجـاي بـحامــي الـديـن والبـيت 

 اللي عــلى الـشـدات كل الـرجـى فـيـه

ورفـعـت كـفـي لـه بــعد ماتـوضـيـت 

 مـسـتـشـعـر بذنـبي ومؤمن وخاشـيه

يـارب يــالـلـي فــوق عرشك تساويت 

 تـلـطـف بـحال ابوي يــالـلـه تـشـافـيه