محمد الجبلي
ياسلام الله سلامٍ يده مثـل أصبعـه
كل ماأشر بأصبعه قام يومي في يده
يامعدي صرت بين الحفر والمجمعه
كل ماصدرت لك علم جيت مورده
معدي
ياهلا بك يالمسلم سلامك وش معه
وكل جرح يا محمد عطيب نكمده
وكل جرح يا محمد عطيب نكمده
واصبعك في تالي الوقت جا من يقطعه
ومعدي وين ماراح في حدود بلده
ومعدي وين ماراح في حدود بلده
محمد الجبلي
ماطمع طير الحباري براس القوبعه
وأنت شايب مابقا غير بنته وولـده
جبلي واحد يساوي من مطير أربعه
أربعه في أربعه والعلـوم موكـده
التنك وانت مبعد تناضر ملمعه
لا يغرك من لسانك كلام تسرده
كل رجل مايميز عسى الله يقلعه
مطلق لسانك ورجليك وسط المصيده
محمد الجبلي
التنك فالصندقه وأنت راع المزرعه
مير زرعك يامعدي زرعته واحصده
خابر أن الطقه اللي براسك موجعه
والعرب لا عربدت ماتخلي العربده
معدي
طيحت طيحه يامحمد ماهي متوقعه
وانت مثل اللي يدور لحتفه ونكده
وانت مثل اللي يدور لحتفه ونكده
ان مشيت يمين تلقى طريقي واتبعه
وان مشيت يسار قدمك سيوف مهنده
محمد الجبلي
ياالله أنك ترحم اللي بذل كل جهـده
جاك فارس مارحم مدمعك لو تدمعه
شد حيلك ياحبيبـي وخـل الهربـده
معدي
مابقى ياصاحبي غير طوي الاشرعه
مرتكيلك يامحمد على راس سنده
دام همك وسط جوفك نيران مولعه
اطلب الله واذكره واشكر الله واحمده
محمد الجبلي
ارتحل عن دارنا والطرق متمهده
الكتاب اللي معك ماطبع فالمطبعه
أشكر الله يامعدي وسبح وأعبـده
ليست هناك تعليقات:
إرسال تعليق