معدي
ياصاحبي لد النضر يمي ولا تنضر شمال
انا على يمناك وانت مدري وش وراك
عديت راس النايفه وعادتي ارقى الطوال
وصية من راس جدي لا تجي وسط الدكاك
الرهاوي
اسر مسار الذيب يارجال من روس الرجال
وانا ابا لد لك النظر مير انت لا تزحف وراك
احفظ وصات العود خل النوم ياراع الظلال
وليا تركت وصات عودك ماحدن يمشي معاك
معدي
دام الوفا بيني وبينك يالرهاوي راس مال
خلك على يمناي وابشر بعزك لا حماك
اشيل حمل فوق حملي مثل ماتشيل الجمال
مير انتبه ياصاحبي قدام يبدا الاعتراك
الرهاوي
ابشر بفال الطيب يارجال قدام العقال
انكان لك مخرج تخارج قبل لايمطرسماك
ادرب يابوزيد لاتحسبه نوع من الزوال
الدرب هاذا يحرق الحافي ونوع من الهلاك
معدي
صبيتلك ياصاحبي فنجال من صفر الدلال
لكن قهوتي سمك اللي حطلك داخل حشاك
لكن دقيقه لوسمحت جاوب على قد السؤال
من علمك غدر الليالي ليه تغدر بعملاك
::::::::::::::::::::::::::
::::::::::::::::::::::::::