معدي – الرهاوي
معدي
الشعر حاضر والمشاعر حيه
وانا على الشعارنجم هاوي
حاضر بحاضر مابهاعاريه
نبي نميلها على الرهــــاوي
الرهاوي
يا مرحبا ترحيبت ن مثنيه
ترحيبت ن لخصومها ماتاوي
نجمك هوا في ديرتك عصريه
معاد لك حيله ولانته قاوي
معدي
ماقدمك الا محزم وجنـبيه
ونجمي على راسك يجيله داوي
دام الجمل يرغي فـبوحدريه
ياالله دخــيـلك تــدفع الـــبلاوي
الرهاوي
الخيل بالميدان يالطرقيه
وعندك علوم ويش بالله ناوي
جمالنا تدحمك يوم الهيه
خلك خوي وفا الزمان مخاوي
معدي
ياللي ترادف حسنتك بالسيه
دام الخبر في ذمتك يالراوي
هات الصحيح ولاتجيب اوخيه
جمال ولا قالو انك شاوي
الرهاوي
السيف باليمنا ويلمع ضيه
خلك معي يالشاعر العماوي
دام الدروب وساع يالعبريه
ميشيل حمله غير رجل ن قاوي
معدي
الصقر ماسموه بالحنديه
والذيب في راس العدامه عاوي
وان طعتني رح واسترح بالفيه
قدام لا تــطيــح لــي متـــساوي
الرهاوي
نته سريت وضاعة الطاقيه
ارد الحفر وشرب منا لصداوي
ياشاعر ن نيتك هاذي نيه
متميز الكمبود ولا الجاوي
:::::::::::::::::::::
ليست هناك تعليقات:
إرسال تعليق