بلح شامي

ياللـي تقول الغلا لبسي وهندامي
الجـرح ينـزف وانـا ما شافتك عيني


مرت سنه وأنا اعالج جرحي الدامي
وأرقب وصـالك ما بين الحين والحيـني

واا حزني اللي رسى في روس الأقلامي
اكـتـب عـنـاه وشقاه اللـي يسليـني

يعني كذا يا حبيبي بميسم ن حامي
تـلد يـمـي بـنـضرة ثم تكـويـني

كويتني لين عيت تمشي اقدامــي
حتـى النضـر يا حبيبي مـا يقـديني

يابو عيونن عكش فيها تسلهامـي
من بعد مـا غبت صـار الليل ليليـني


جاك الغلا بااسمي وبتبصيمة ابهامي
مـا اقـدر اخـليك وانته لا تخليـني


تعال يا منوة الشفقان والظامي
ما غير وصلك وقرب ن منك يرويني


تعال خل اللقى ما بيننا حامي
تعال عطني يدينك وامسك يـديـني


ياكيف صرت الهدف واصبحت لي رامي
يـا نعنبـوا خيٌرك عـيٌيٌت تخطيـني

ضيعت عمري مع أمالي مع احلامي
كله على شـان عيـنـك يا معـنيـني

وان ما حصل منك يالغالي بلح شامي
اسـتاذنـك باتـلاحق بـاقـي سنيـني