الرهاوي- معدي النايفة
الرهاوي
يا سلام الله سلام ن فيه هيبه
فيه هيبه لرجال وفيه اماني
عاصبن راسي وفي حقي مصيبه
ماندور للهزال ابغا السماني
معدي
ياهلا ويامرحبا ولا هي غريبه
شاعر تفتل و تنقض بالمعاني
ابعد يدينك عن الجمر ولهيبه
وارفع المعـنى لا يـاقع بالطماني
الرهاوي
المراقب فيه شـــك وفــيه ريبه
فيه شك وفيه ريبه من زماني
وين راح وليه طول فا المغيبه
وان سلته قال متعدى مكاني
معدي
الزمان اللي تعيشه لا تعيبه
كلمة من خاطر ي ومنطق لساني
والمراقبــ يالرهاوي وشتبيبه
مالــك ومال الـــمراقب يافـــلاني
الرهاوي
النت ميزان العدل ولا حريبه
لاتجي وتروح مثل العقرباني
من يود الخير ملزوم نيجيبه
انت واضح كنك اسهيل اليماني
معدي
الرهاوي تو ماحصــل طـبيبه
جايبله وصفة حسب الضماني
اثر له مدة علـى جروح عطيبه
باريله بالهـــواء ماكــد برانـــي
الرهاوي
انت تبغاها رضاء ولا غصيبه
شيل حملك لايجي عشرك ثماني
منت دكتور ن بوصفات نعجيبه
انت قد الحال وضلوعك متاني
معدي
الرهاوي محترق ماأحدٌ دريبه
شال حمله بس في خشمه عناني
كل رجل يحكمه عقله وطيبه
وانا أعرفك مأنته برجل اناني
الرهاوي
ياطويل العمر جيب الي تجيبه
دام ضيعت الشداد مع البطاني
الرهاوي بالقاء ياخذ نصيبه
نظرته عليا ليا شان الزماني
معدي
كـــل ذيبـــ باللقـــى يقنــب قنيــبه
وكل غصن يابس خالط لياني
ضعت مابين الرهاوي مع صحيبه
يتبعون الطيش مع سيد الغواني
:::::::::::::::::::::::::
ليست هناك تعليقات:
إرسال تعليق