يالعالم الله ما تخل العنصريه

معدي النايفة

يالعالم الله ما تخل العنصريه .... 
دوبـك على نفسك شوي شـويه

حنا تقدمنا ولا بــه رجــعـه .. .
وانــت تعــرفنا في نهار الهيه 

العالم الله

العنصرية ماهي بمرضـيـــــة ....
 ممقوتتن بالدين والعرفيه

بس انت جيت مدحدرن في سرعه ...
 وتبا تطيح بحفرتن مزويه

معدي النايفة

من فضل ربي خطوتي جريه .. 
ومجهزن لك خلطت ن سريه

والله لولع في ضلامك شمعه ..
 بس انت طعني واسترح بالفيه

العالم الله

العد رٍس وواردينه ميه ,,, 
وكلن حباله بظهره ملويه

وانته تحسبه لغز حله رمعه ’’’ 
ماكل رجلن وقفته صدقيه

معدي النايفة

اللي ورد لازم يذب دليه .. 
لا خير في رجل ما فيه حميه

من لا يقدم ما يجيله سمعه ..
 ياللي ترادف حسنتك بالسيه

العالم الله

الفوز ماهو طاق ياطاقيه ,,,,,,
 ولاكل ناخب ذمته مشريه

وانته تبا بكره تهل الدمعه ’’’’ 
هبت على ريش النعام سقيه

معدي النايفة

قلبك خبيث ولا انت صافي نيه .. 
وساكنك ذا الليل كم جنيه

اثر التنك يغرنا في لمـــعه .. 
الصقر ما سمـــــوه بالحنــديه

العالم الله

انصحك راجع مركز الصحيه ’’’’
 بالذات قسم الوحده النفسيه

اربع وخمسه مع ثلاث وسبعه,,,
 ماينطحون جموعنا عصريه

معدي النايفة

هات الصحيح ولا تجيب اوخيه .. 
تو بينت نيتك ميه ميه

يوم اتعنصر مونس ن لك جزعه ..
باسبابها كبدك تقل مشويه


*******************

ياللـي تباهـى بالغـرور يحـقّ لـك

ياللي تباهـى بالغـرور يحـقّ لـك

يحـقّ لـك دام العسـل منٌـك وفيـك

النـاس هـذي كلبوهـا فـي فـلـك

وانته لحالك في فلـك حسبـي عليـك

اتحملك .. وليه بس .. ما أتحملـك !

ياللي سكنت القلب مالـك بـه شريـك

لبـى غـرورك وخجلانـك وزعلـك

كل شي .. بسم الله عليك .. لايق عليك

اٌغمـض عيونـي عشـان اتخيـلـك

واٌعيش لحضات الفرح وإيدي بيديـك

من أولك .. لا أخرك .. ليـن أولـك

كلما بغيـت انهيـك ارجـع وابتديـك

مـن القصايـد والحـنـان امـولـك

وابيع كل الناس مـن شـان اشتريـك

ضامـي وصالـك والـزلال بمنهلـك

لو أشرب زلالك .. ما أضني ارتويـك

من قبل اعرفـك هيبتـي هيبـة ملـك

واليوم كني حـر مسجـون و شبيـك

حاولت في هجرك على قـدر عملـك

ولك ما نويت الهجر قمت امسك بريك

شفني علـى كثـر العنـاد .. ادلٌلـك

ارفق بحالي شوي يرحـم والديـكّ !! 

معدي النايفة

في كل دوله روٌح النفط سرقه .. والحبل قرٌب يلتوي حول الأعناق

عفـت القصيـد وعفـت لحنـه وطـرقـه

وعفت الحياة اللي بها خاطري ضاق 

واونس بكبدي من شقى الوقت حرقه

والدمع ضاقت بـه وسيعـات الأحـداق 

موج البحر يصفـق علـى جـال شرقـه

قـــام يتـعـانـد فــيــه راعــــد وبــــراق 

وضعه خطيـر ويشكـي اسبـاب غرقـه

وطـوق النجـاه بـكـف خـايـن وبــواق 

يــــا عـيـشــةٍ فـيـهــا مــذلــة وفــرقــه

شمس العرب غابـت ولا فيـه مشـراق 

فــي كــل دولــه روٌح الـنـفـط سـرقــه

والحبـل قـرٌب يلتـوي حـول الأعـنـاق 

بــاب الـفـرح مقـفـول لــوٌ زاد طـرقـه

هذا شعار الشعـب فـي بيـض الأوراق 

عسى السحاب اللي نشـى ولاح برقـه

يسـقـي بــلاد الخـيـر مـيــدان الأرزاق 

مـن دونهـا الأعـمـار والـمـوت زرقــه

لـكــن يـبـقـى بـيــرق الـمـجـد خــفــاق 

امــيــر ويــغــازل امـيـره ... والدمع من عينها همال

طاروق  بيني وبين الشاعر القدير / العالم الله

معدي النايفة

يا أهل الشعر يا جماهيره .. ياللي لكم بالحشا منزال ..

امــيــر ويــغــازل امـيـره ... والدمع من عينها همال

طاروق من دافع الغيره .. مغاير الشكل والموال ...

 وين انت ياطيب السيره .. .. الحمل ما يتعب الجمٌال

 العالم الله

يالله عسى فـ الامر خيره ... رجال ويقابله رجال...

 روحه وجيه وتكبيره ... ولاكل شيء ٍ يبا ينقال

الدرب يحتاج تمتيره ... ماينمشي كود في معدال ...

دقه ورنه وتسكيره ... ويبين مايحتويه البال

معدي النايفة

الشعر جتنا هواميره .. يا مرحبا بك وكيف الحال ..

الليل ما فك ازاريره .... لــعـــل يــفــدونك الانــذال

متعودن في مشاويره .. ومسكرن دونه الجوال ... 

 والصبح غنت عصافيره ..والناس تبكي على الاطلال

العالم الله

لاهنت ياطيب السيره ...تبقى على طول ماتنطال ...

 الشعر قفت مظاهيره ... هذاك مع مرشد البذال

لاياخذك شك ٍ وحيره ... ماينطح القوم كود عيال ...

 ياعزي لطافي النيره ... ماكل غازي ولد خيال

معدي النايفة

رايق بلا جو تعميره .. وعين العدو من وراها خلال ..

 البحر غرقت بوابيره .. هفت بها من ورى الشلال

ما فيه شكٍ ولا ضيره.. لك منزله فوق عال العال ...

والوقت كثرت سماسيره ..ما كل قاضي يجي حلال

العالم الله

البعض يازين تسفيره ... فالباص مع شلة البنقال ...

ولاعاد يرجع على الديره ... يروح كنه من العمال

ولاضيق البال ويثيره ...إلا إن دقت له الاطبال ... 

 شجره ولكنها صغيره ... ياناس ماحدرها مقيال

:::::::::::::::::::::::::::::::

ناخت ركابي علـى بابـك وشحـت سمـاي .. وبيـبـان عـفـوك وغفـرانـك بـكـل أتـجـاه

يـا الله دخيلـك مـن ذنوبـي وكثـرة غثـاي

ويالله دخيلك مـن ابليـس اللعيـن وهـواه 

اتبع هوى النفس واسيٌر وراها أخطـاي

وتـقـودنـي للمـهـالـك وأتـبــاع الـعـصـاه 

اجاري الوقت و اثر الوقت يبحث خفـاي

وكتـاب الأعمـال مـا غيـرك عليـم بخـفـاه 

مؤمن و بالذكر من فضلـك تبلـل أشفـاي

والقلـب عيـا لا يرسـي بـيـن بــره ومــاه 

حاولت ابثنيـه عـن مـا بـه لعـل وعسـاي

لـكـنـي اخـيــل بـراقــه ولا ألـمــح سـنــاه 

البارحـه كـن مـا بالكـون ضايـق ســواي

بـاب الفـرح واقـفٍ بينـي وبيـنـه صـفـاه 

لحضة ندم صاحبة حسرة تقطـع حشـاي

متـكـدر الـبــال مـــن هـــمٍ بقـلـبـي بـــراه 

جيتك ودمعي علـى الخديـن يـا مرتجـاي

عضيـت كـف النـدامـة مبتـئـس بالحـيـاه 

قــررت اراجــع حسابـاتـي وأجــدد ولاي

مـع بـادع الخلـق سبحانـه ولا لـي سـواه 

ناخت ركابي علـى بابـك وشحـت سمـاي

وبيـبـان عـفـوك وغفـرانـك بـكـل أتـجـاه 

تجعل فراشي من التقوى ونورك غطاي

وتضلنـي تحـت ضلـك يـوم ضـلـك نـجـاه 

والطف بحالي وخفف من عناي وشقاي

وثبـت لسـانـي وجــوٌد بالشـهـاده عــراه 

معدي النايفة و الرهاوي

معدي

قم يالرهاوي ترى هالوضع مايصلح 

القسم له مدت ن للصدر مايشرح

لازم نخلي جماهير الشعر تفرح

والنار ماتاكل الا رجل واطيها

ملــعــبــتا وش بــلاهــا مرتاحــه لــها مـــدة 

قرب قرب يالرهاوي حلي ياحلاوة حلي

وانته شاعر منت بهين لكن كبرت المخدة 

وانا اخبرك باسك قاوي حلي ياحلاوه حلي

الرهاوي

القسم مسرور والصفحات مسروره

واقسامنا من جديد الشعر منصوره

يامعدي النايفه كلن عطا دوره

والنار ماتاكل الارجل واطيها

ملعبتنا نارن حمرا يامعدي عدلها العده

الليله ويش انته ناوي حلي ياحلاوه حلي

البحر الهايج اعرف له ميزجزره قبل مده

لاتسري ياالذيب العاوي حلي ياحلاوه حلي

معدي

يالرهاوي شف اوضاعك وعلمني 

والملعبه بيننا لا لا تكلمني

عجزت لا افهمك وانته ماتفاهمني 

والنار ماتكل الا رجل واطيها

والله والله والله والله دام معدي ماحد قدة 

لا ميلها على الشاوي حلي ياحلاوة حلي

والله لو بحرك متهيج وانته من فوق الاشده 

لتطيح الليله متساوي حلي ياحلاوه حلي

الرهاوي

ان كان منته بفاهمني على كيفك

انا فهمتك بعد جتني محاريفك

يامعدي النايفه هاذي سواليفك

والنار ماتكل الا رجل واطيها

النته جدارن توه مبني وانا نجمن جاه وهده

لا تعزوا بالعزاوي حلي ياحلاوه حلي

البحر الهايج يامعدي منته ضده منته ضده

خلك رفيق ن ومخاوي حلي ياحلاوه حلي

معدي

عديت روس النوايف وانته تناضر 

تبي تعدي ولكن مانته مخاطر 

هذي حقيقه ولا تزعلك ياشاطر 

والنار ماتاكل الا رجل واطيها

لا تسولف يالرهاوي العماوي من يرده 

وانته مانته عماوي حلي ياحلاوه حلي

لكنك باخر زمانك تبيلك هجمه مرتده 

وذراعك لاويها اللاوي حلي ياحلاوه حلي

الرهاوي

الي يعد النوايف هزه الغربي

حتى يحول ولا جاك مدربي

يامعدي النايف ياقايد السربي

والنار ماتاكل الا رجل واطيها

انته تنقض ولا تفتل ولا تفرع يوم الهده

ماتقعد راسك قهاوي حلي ياحلاوه حلي

لاجات هجمتكم مرتده قالو مابا الخاطر بده

موجود بخيت العطاوي حلي ياحلاوه حلي

معدي

ياصاحبي طيعني ورتاح يالطيب 

تراي اعرفك وخابر قلبك حبيب

لكن باخر زمانك شفتك مشيب 

والنار ماتاكل الا رجل واطيها

كل طير ن يالرهاوي عارف ن حزت مهده 

وكل جرحن له مداوي حلي ياحلاوه حلي

والهنوف اللي عرضلي جازلي براق خده 

اااه يالقلب الهواوي حلي ياحلاوه حلي

::::::::::::::::::::::::::

الرهاوي - معدي النايفة

الرهاوي

ياهل العرف راس ابليس تحت الصفاه

والمزون اردمت يامثقل اخيالها

من حظر للمعارك لايقصر رشاه

من برك للحمول اليوم يشتالها

معدي

الثمر يالرهاوي مصدره من نواه 

والكحيله علامه ضاع خيالها

الخبر ناقلينه من كلام الرواه 

جتني علوم فال الله ولا فالها

الرهاوي

النت لاتحسبنك شيخ عند القضاه

الرساله تبين ان جاك مرسالها

كل شاعر يعرف الخط لامن قراه

ماتحاسب اوادم كود بعمالها

معدي

انتبه من بليس اللعين وهواه 

واللحون الجديده هات موالها

كل علم قديم لا تباحث خفاه 

والجبال الطويله مالك ومالها

الرهاوي

يامعدي مادامك ماسك الاتجاه

دلة الكيف ساق الوسم فنجالها

لايغرك نسيم الليل قبل الصلاه

او نفسك تمشيها على حالها

معدي

صار وجه الحقيقه مايباعد قفاه

وشفت ناس ن تحذف اليوم معدالها

الحرامي علامه طامع ن بمحماه 

مادرى ان المساوي ماسك خلالها

الرهاوي

كان ذي نظرت معدي قريب ن داوه

العرب تفدي الاحوال في مالها

لاتسوق المطيه عند خشم الرعاه

دام لك نظرتن فيها وفي خالها

معدي

الرهاوي كحل عينه وسبب عماه 

واليدين الطويله قصرت حبالها

مرتكي مثل ضلع النير هو والسراه 

كان لك حيلة ن بالوقت فاحتالها

الرهاوي

انت منتة مذيع ن و سط ذيك القناه 

انت شاعر تمشيها على فالها

من نزل في طريق السيل فاالسيل جاه 

ومن تجنب عن الاخطار ماجالها

معدي

كل برق ن قدم عينك يلوح بسناه 

اردف المزنه اللي جاك همالها

وكل ذيب براس الرجم نسمع عواه 

يوم بعض العرب كد ضاعت افعالها

الرهاوي

شفت برقن يلوح ولا شرب رجل ماه

يا بروق ن تلوح ولا ورد جالها

الرهاوي عن الدسمه ماتقصر يداه

له مواقف ماتنساء ضلل اضلالها

معدي

الرهاوي بتالي الوقت قصرت خطاه 

حالته ماتسر القوم يرثا لها

دام حبه على ماقيل وسط الرحاه 

لو نفسه تريح يمكن اشوا لها

الرهاوي

الرهاوي رهاوي مير دور رضاه

ماوقف قدم باب الناس وومالها

كان دارت رحا الموقف مادارت علاه 

مابنا خيمته والعصر مشتالها

معدي

جيت تبغى الغناه ولا لقيت الغناه 

رحت بالسلعه اللي ضاع دلا لها

الرضاء لله المعبود ثم الولاه 

وانت عدل شماغك واوزن عقالها

الرهاوي

الغنا عند رب البيت والي عطا ه

والقنا عه كنوز ن ما فنا مالها

من ذكر سالفت موسى ماينسا عصاه

القصص موعضه والعبره اخلالها

معدي

العصى يالرهاوي شرشحت بالطغاه 

والبحور العميقه جاك زلزالها

انتبه للبحر ماعاد فيها نجاه 

اخر الوقت نفسك جا من اغتا لها

:::::::::::::::::::::

الليل الليل يالرهاوي

معدي النايفة

قم يالرهاوي ما دام انك وقعت بيدي

والله ماأجنب يالين انك تلقى الخـلا

اصافح سهيل والد النضـر للجـدي

لا تعترض لي ترى ما عاد حنا عملا

::::::::::::::::::

الرهاوي

يامعدي النايفه لو تحتـزم وتعـدي

منته بويا الرهاوي لو تجيب ازملا

مادامني شيخ منظريارجل بالبـدي

خلك على الهون دام اقول لك ياهلا

معدي النايفة

ما بيني وبينـك الا سيفـن مهنـدي

وان قلت لي ياهلا ما قلت لك مسهلا

البرق يبرق ولكن ما نشوف بـردي

والله لحمسك مثل حمس البصل لا قلا

الرهاوي

شوي بتقول يامعدي لنا سيدي

السيف بخباه ماسرك ولا جملا

اليابرق برقنا ياصاحبي تهجدي

دورلك اليوم يامعدي ثنين اكفلا

معدي النايفة

خلك هنيا يا بنت النيل ثم زغردي

ترى الرهاوي وقع ذا الليله مكبلا

قال جهراوي ولكن ساكن الاحمدي

اثر علومك كثيره ياقليـل الحـلا

 الرهاوي

لوزرغدت واحتما الميقاف تاتارقدي

دورطمان الاراضي كب عنك العلا

الحردايم براس المعتلـي يالـردي

ذليل فيك البلا ياذيـب فيـك البـلا

معدي النايفة

حنا بروس النوايف وانـت لا تحتـدي

لا جاك عمك تجدد له عضيـم الـولا

لا تنحر طويق وانته من ورى الاجردي

هذا صعيه على شـرواك يـا مهمـلا

:::::::::::::::::::::::::::::::::::::::::