قلي عن اخبارك وقلي عن احوالك
ياللي قطعت الوصل والوصل مبدايه
والله من غيبتك والحال متهالك
اســـوق رجلي ولكـن العقل تايه
لا يا بعد من بدع شعره وغنى لك
يصرف لك احساس مرهف ماله نهايه
لك منزلن بالحشا سـاكن به لحالك
اصبـح غرامك وسيله وانت لي غايه
لكن حسب ماأتضح لي رحت عن بالك
لكن حسب ماأتضح لي رحت عن بالك
من عقب ماأنته قبل تبحث عن رضايه
لا تطري الهجر فال الله ولا فالك
من شـان يا غايتـي ما تفـرح أعدايه
وانا سحابي نشى وأمطر على جالك
مـابين مـدك وجـزرك داي ودوايـه
واليوم اشوفك علينا قاطع ارسالك
يـومـك رميت الهدف في قلب مرمايه
لا وحسافه عل قلبي من اهمالك
اصبـح من الشـوق كنه وسـط غلايه
مالي علاقه فبوك وعمك وخالك
علاقتـي فـيـك بـس وهـذي كـفايه
اما قل ابعد وروح بدربك اشوالك
ولا قـل اقـلـط عـلى دلالي ومركايه
ليست هناك تعليقات:
إرسال تعليق