الرهاوي – معدي النايفة
الرهاوي
ياسلام الله ســــلام ن بحترامي
.من هواجيس ن لها بصدر جوله
ماسرا بالليل ابو عين ن كفيفه
.ياسلام الله ســلام ن بحترامي
معدي
ياهلا يامرحبا والعز دامي
بالرجال اهل الكرم واهل البطوله
سرها ياصاحبي يم الحـتيفه
ياهلا يامرحبا والعز دامي
الرهاوي
دام انا وياك في حرب وسلامي
.منت كاسب ياولد كاس البطوله
الوعــد قــــدام يامعـــد المنيفه
دام اناوياك في حرب وسلامي
معدي
الرساله جتك مع طير الحمامي
والبطوله ماتجيلك بالسهوله
والوعد ياصاحبي تبغى تعيفه
والرساله جتك مع طير الحمامي
الرهاوي
اسر مسرا الذيب يالحر القطامي
باقي ن لك جولت ن من فوق جوله
اشرب الما دام لك يمنى عفيفه
اسر مسرا الذيب يالحر القطامي
معدي
مستعد ومحتزملك بالحزامي
اللقى ياصاحبي دقت طبوله
شارب الما وحاميٌ حده وريفه
مستعد ومحتزملك بالحزامي
الرهاوي
لا وردة العــــد ملحــــقك المــلامي
واثبت الوجود كان انك تطوله
ركب اشدادك على ضهر العسيفه
لاوردة العـد ملحــقك الملامي
معدي
ضعت مابين المحامي والحرامي
والبحر قاطف ثمر دره ولوله
وانت يامى صاحبي ولا رديفه
وضعت مابين الحرامي والمحامي
الرهاوي
لا تضيع بدنيتك جيــعان ضامي
والبحر ماتقربه من شد هوله
انت ماتقراء عناوين الصحيفه
لاتضيع بدنيتك جيعان ضامي
معدي
كثرت الطق فككت صلب اللحامي
يا العــميل اللـي يزور بالعــمـوله
يامــديــر المــنتدى ولا عريـفه
كثرت الطق فككت صلب اللحامي
الرهاوي
البــعـير شــعــيل راســـه بالخطامي
وان بغاله درب يديه معقوله
ومن يزور قلت ابونفس ن ضعيفه
والبعير شعيل راسه بالخطامي
معدي
مرتكي للحمل من فوق السنامي
والبعير شعيل روح بالحموله
ماتميز في شتاك وفي خريفه
مرتكي للحمل من فوق السنامي
::::::::::::::::::::::::::::
::::::::::::::::::::::::::::
ليست هناك تعليقات:
إرسال تعليق