الجبلي - معدي

محمد الجبلي

ياسلام الله سلامٍ يده مثـل أصبعـه

كل ماأشر بأصبعه قام يومي في يده

يامعدي صرت بين الحفر والمجمعه

كل ماصدرت لك علم جيت مورده

معدي

ياهلا بك يالمسلم سلامك وش معه 
وكل جرح يا محمد عطيب نكمده

واصبعك في تالي الوقت جا من يقطعه
ومعدي وين ماراح في حدود بلده

محمد الجبلي

ماطمع طير الحباري براس القوبعه

وأنت شايب مابقا غير بنته وولـده

جبلي واحد يساوي من مطير أربعه

أربعه في أربعه والعلـوم موكـده

معدي

التنك وانت مبعد تناضر ملمعه

لا يغرك من لسانك كلام تسرده

كل رجل مايميز عسى الله يقلعه

مطلق لسانك ورجليك وسط المصيده

محمد الجبلي

التنك فالصندقه وأنت راع المزرعه

مير زرعك يامعدي زرعته واحصده

خابر أن الطقه اللي براسك موجعه

والعرب لا عربدت ماتخلي العربده

معدي

طيحت طيحه يامحمد ماهي متوقعه 
وانت مثل اللي يدور لحتفه ونكده

ان مشيت يمين تلقى طريقي واتبعه

وان مشيت يسار قدمك سيوف مهنده

محمد الجبلي

ماأنت رابح لين تصبح الأرض مربعه

ياالله أنك ترحم اللي بذل كل جهـده

جاك فارس مارحم مدمعك لو تدمعه

شد حيلك ياحبيبـي وخـل الهربـده

معدي

مابقى ياصاحبي غير طوي الاشرعه

مرتكيلك يامحمد على راس سنده

دام همك وسط جوفك نيران مولعه

اطلب الله واذكره واشكر الله واحمده

محمد الجبلي

مابقا ياصاحبي غير زم الأمتعـه

ارتحل عن دارنا والطرق متمهده

الكتاب اللي معك ماطبع فالمطبعه

أشكر الله يامعدي وسبح وأعبـده

عيون السحاب

هامت عيونـي بنضـرات السحـاب وانثنـى مـن دونـهـا بــرد و مـطـر

وأرتقت رجلي على ذيك الهضـاب ايــه لـلـد نـيـا مواعـيـض وعـبــر

يوم صار الحق مـن دونـه ضبـاب ويوم صار الناس مـا معهـا صبـر

صـارت وجيـة الحقيقـه كالسـراب لا مشـيـنـا يـمـهـا تـصـبــح قــفــر

شفت باالدنيـا مـن الشـئ العجـاب وشفت فيها الطيـب بعيـون الغـدر

وشفت ناس باالكبـر تلبـس ثيـاب ماسمـعـوا حـديـث مثـقـال الـكـبـر

وشفت ناس باالقفـى تقطـع بنـاب وتـغـنٌــى فــيــه وتــــدق الــوتـــر

يـأألـهـي طـالـبـك حـســن الـمــأب تـمـحـي الـزلــه لـعـبـدك وتـغـفــر

راجين رحمتك واخشى من العذاب كثـرت ذنوبـي وانـا قلـبـي خـضـر

ضاعـت سنينـي مشاريـه وعتـاب في ذرى الرحمة تحت حكـم القـدر

كيف اهاب من الهوى وانا ماأهاب واثــر قلـبـي فــي وداده يحـتـضـر

رحلـة القلـب الشقـاوي بـلا أيــاب وعاش في رحلـة همومـه والكـدر

وليه ذاب الشمع مـدري كيـف ذاب بــس بـاقـي مــن معاليـقـه جـمــر

ضاق بالي عن طعام وعن شـراب ولـي ثـلاث ايـام عايشـت السـهـر

يــاســؤال ن مالقـيـتـلـه جـــــواب ويا جواب ن ضايق ن منه الصدر

كـن حضـي بيـن غــار وبـيـن داب وكـن رجلـي بالخـطـاوي تقتٌـصـر

عشت باالدنيا علـى كـف الصعـاب انحـت الذكـرى علـى صـم الصخـر

للزمـن طعنـه مـثـل شلـفـى ذيــاب مــن يـحـاول مايحـصٌـل لــه مـفـر

والعـزاء فـي طـاعـة الله والكـتـاب واتـبـاع المصطـفـى باالـلـي امـــر

مــن تــرك لله شـئــاٌ قـــد أصـــاب راجـيـن رحـمـة عـزيـز ن مـقـتـدر

يـاألـهـي طـالـبـك حـســن الـمــأب تـمـحـي الـزلــه لـعـبـدك وتـغـفــر

فــي نـهـارن مايفـيـد الا الـزهــاب يـوم كـلـن زايــغ ن عـنـه البـصـر

معدي النايفة

الجفول - معدي النايفة

الجفول

نادو معدي كان موجود 

يقرا طاروقي ويعده

وان ماحضر ماعنه اصدود

فالماقف اللي يوده

معدي

جاك معدي يرقى سنود

رايح يمك ماحد قدة

والشعر له وزن وعمود

يابو جديل ن تكده

الجفول

عمتك يامدهل الجود 

تشكي من شوق الموده 

القلب يامعدي مضهود 

حبل الحبايب يشده

معدي

مابه طريق مسدود

ولا عاش منهو يسده

وليى صار مافيه عهود

مالك ومال الاشدة

الجفول

اربع اسنين وفوقها زود 

باحت اسدودي وسده

يالله ياخير معبود 

تبري فؤادي وترده 

معدي

والله يلولا المنقود

واخاف هروج ن مرتده

لكن الصبر المحمود

وانتي صبرتي لك مده

الجفول

لولا وياليت مابها فود 

وهرج الاوادم اصده 

مايهمني كل مقرود 

وباب الردا برجلي اسده

معدي

الطير الليله مهدود

قولي ياعمه من هده

شوفي قمر ولا الجود

وحده منهن قامت ضده

الجفول

الجود ما منها فوود

والشعر لا ماتنده 

اما قمرنا لين العود 

يمكن مثلي توده

:::::::::::::::::::::::::