يالعالم الله ما تخل العنصريه

معدي النايفة

يالعالم الله ما تخل العنصريه .... 
دوبـك على نفسك شوي شـويه

حنا تقدمنا ولا بــه رجــعـه .. .
وانــت تعــرفنا في نهار الهيه 

العالم الله

العنصرية ماهي بمرضـيـــــة ....
 ممقوتتن بالدين والعرفيه

بس انت جيت مدحدرن في سرعه ...
 وتبا تطيح بحفرتن مزويه

معدي النايفة

من فضل ربي خطوتي جريه .. 
ومجهزن لك خلطت ن سريه

والله لولع في ضلامك شمعه ..
 بس انت طعني واسترح بالفيه

العالم الله

العد رٍس وواردينه ميه ,,, 
وكلن حباله بظهره ملويه

وانته تحسبه لغز حله رمعه ’’’ 
ماكل رجلن وقفته صدقيه

معدي النايفة

اللي ورد لازم يذب دليه .. 
لا خير في رجل ما فيه حميه

من لا يقدم ما يجيله سمعه ..
 ياللي ترادف حسنتك بالسيه

العالم الله

الفوز ماهو طاق ياطاقيه ,,,,,,
 ولاكل ناخب ذمته مشريه

وانته تبا بكره تهل الدمعه ’’’’ 
هبت على ريش النعام سقيه

معدي النايفة

قلبك خبيث ولا انت صافي نيه .. 
وساكنك ذا الليل كم جنيه

اثر التنك يغرنا في لمـــعه .. 
الصقر ما سمـــــوه بالحنــديه

العالم الله

انصحك راجع مركز الصحيه ’’’’
 بالذات قسم الوحده النفسيه

اربع وخمسه مع ثلاث وسبعه,,,
 ماينطحون جموعنا عصريه

معدي النايفة

هات الصحيح ولا تجيب اوخيه .. 
تو بينت نيتك ميه ميه

يوم اتعنصر مونس ن لك جزعه ..
باسبابها كبدك تقل مشويه


*******************